* Laayiq E deed woh nazaaraa tha *
Laayiq E deed woh nazaaraa tha
Laakh naizay thay sar hamaaraa tha
Ek aaNdhi si kyuN badan meN hai
Us nay shayadd hameN pukaaraa tha
Shukriyaa reshmi dilaasay ka
Teer to aap nay bhi maaraa tha
BaadbaaN say ulajh gaya langar
Aur do haath par kinaaraa tha
Sahabo baat dastaras ki thi
Ek jugnoo tha, ek sitaaraa tha
AsmaaN bojh hi kuch aisaa hai
Sar jhukaanaa kisay gawaaraa tha
Ab namak tak nahi hai zakhmoN par
DostoN sai baRa sahaaraa tha
************ |