نعت پاک

اونچا ہے اُس کا مرتبہ دونوں جہان میں
پڑھتا ہے جو قصیدہ محمدؐ کی شان میں

کر لے قلم وضو تو عقیدت کے حوض سے
لکھنی ہے نعتِ پاک محمدؐ کی شان میں

اُن کے جمال سے ہے جہانوں میں رونقیں
قرآن کہہ رہا ہے بڑی آن بان میں

کرتا ہے جو قبول اطاعت رسولؐ کی
اللہ ڈالتا ہے اُسے امتحان میں

تفسیر میں بیاں کروں اُس عالی ذات کی
اللہ بخش دے وہ حلاوت زبان میں

محشر کے روز میری سفارش کریں گے وہ
مدحت نبیؐ کی کرتی ہوں میں اِس گمان میں

شانِ رسولِ پاک بیاں ناز میں کروں؟
اتنی مجال ہے کہاں میری زبان میں

نادرہ ناز پرویز

C/O Shahid Parvez, 11/1/1H/3,
Harshi Street, Kolkata-700009
Mob: 9339364018/ 9331817280
بشکریہ ’’عندلیبانِ طیبہ‘‘ مرتب: مشتاق دربھنگوی
……………………………………