حمد

اے خدا میں لکھ رہی ہوں حمد باری باوفا
کر عطا چشمِ بصیرت اور ملے فہم و ذکا

یاس کے بڑھتے قدم ہیں موڑ دے بپھری ہوا
دے مجھے عرفان حق کا اور ہدایت کی ردا

اے خدائے پاک یہ کیسا ہے تیرا فلسفہ 
تو ہے پوشیدہ مگر موجود ہے جلوہ ترا

وصف تیرا کیا بیاں ہو بندۂ ناچیز سے
کر نہیں سکتا کوئی تیری ثنا کا حق ادا

تو بسا سانسوں میں ہے ، قائم ہے تجھ سے زندگی
میرے دل کی دھڑکنوں میں کون ہے تیرے سوا

درد کا درماں خدایا تجھ سے بڑھ کر کون ہے
تو مرا حاجت روا ہے تو مرا فکرِ رسا

حرف سارے بے زباں ہیں ناز کا تھمتا قلم
ذہن عاجز فکر سے ہے اور ضمیرِ بے نوا

نادرہ ناز پرویز

C/O Shahid Parvez, 11/1/1H/3,
Harshi Street, Kolkata-700009
Mob: 9339364018/ 9331817280
بشکریہ ’’غزالانِ حرم‘‘ مرتب: مشتاق دربھنگوی
……………………………………