چاہ کی معصوم ہرنی دل شکستہ ہوگئی
تپتی ریتوں کے سفر میں آبلہ پا ہوگئی

ماں کا آنچل ننھے ہاتھوں سے پھسلنا تھا کہ بس
دور تک یہ زندگی سنسان رستہ ہوگئی

آئینہ ٹوٹا تو آنکھوں میں لکیریں آگئیں
دلکشی چہرے کی آخر ریزہ ریزہ ہوگئی

رفتہ رفتہ صحنِ شب میں چاندنی سجنے لگی
اور سلونی سی فضا روشن سراپا ہوگئی

گھل گیا پاکیزہ رشتے میں غلط فہمی کا زہر
ہوگئے بدنام تم بھی ، میں بھی رسوا ہوگئی

شاعری جب چھوڑ دیتی ہے ادب کے دائرے
ایسا لگتا ہے کہ اردو بے لبادہ ہوگئی
*************************