تھک گئے ہیں ہم تیرے روز کے ستانے سے
توڑ دے تعلّق کو اس طرح نبھانے سے

اب کے ہم گئے تو پھر لوٹ کر نہ آئیں گے
باز آ ہمیں توُ ہر وقت آزمانے سے

لہر بد گمانی کی پھر کوئی جکڑ لے گی
پھر وہ روٹھ جائے گا، فائدہ منانے سے؟

پوچھتے ہو کیا میرا شغلِ شامِ تنہائی؟
ملتی ہی نہیں فرصت اشکِ غم بہانے سے

ہر طرف فضاؤں میں ایک ہی فسانہ ہے
کیا ملا ہواؤں کو رازداں بنانے سے

کیوں سُلگتی رہتی ہو غم میں اے میری ناہید
تیرگی نہیں مٹتی خود کو یوں جلانے سے
******