Baaqiyoun ki tou khair hai laikin
"Tuu bhi dil uter na jaaey kahin"

Mujh ko her dam yeh khauf rehta hai
Khwaab mera bikhher na jaaey kahin

Ab kay sawan mein tuu ney aana tha
Daikh sawan guzar na jaaey kahin

Dil ko andaisha hai tou buss itna
Mausam-e-gham thheher na jaaey kahin

Kitni uljhi hai, kitni bikhri hai
Zindagi yoon guzar na jaaey kahin

Raat guzri hai bari mushkil sey
Yeh sahar bhi guzar na jaaey kahin
******