Na koi rind, na saaqi,na chhalakti payali,
Kahi'n TooTa hua sheesha kahi'n saghar khali,
Aa gaya roop jo sabze pe To kaliya'n chiTki'n,
Ghuncha va gul me'n mili khair se dali dali,
Phir chhama chham ki baharo'n se khile dil ke kanwal,
Sehan gulshan mei'n hua aa gayi uttar wali,
Hai kya waqt hai kya fasl hai kya mausam hai,
Kaif se jiske har ik aankh hui matwali,
Yeh hawae'n yeh nazare yeh bahaare'n yeh sama'n,
Dekhti hai'n wahi putli jo hai qismat wali,
Koi sunta hi nahi "Naina" kahani aa kar,
Jee me'n aaya To khud apne hi liye duhraya.