غزل
ازل سے تا بہ ابد تیری داستاں آباد
میری زبان کی لکنت ترا بیاں آباد
تیرے خیال سے آگے، تیرے گمان سے دور
دوانے کر بھی چکے کتنی بستیاں آباد،،”
رکوں تو ساتھ مرے گردشیں ٹھہر جایٔں
جو چل پڑوں تو ہویٔ گردِ کارواں آباد
شکستگی میں ہے دل کی ہمارے یہ تجویز
سکوں اجاڑ کے ہوں بے قراریاں آباد
زمیں سے تا بہ فلک عزم کی منازل ہیں
ہیں بال و پر جو سلامت تو آسماں آباد
تیرے خیال کے یکلخت دل میں آتے ہی
تصورات میں یادوں کی کہکشاں آباد
بہ فیضِ عشق میں حاضر تری جناب میں ہوں
زہے نصیب کہ ہے بختِ عاشقاں آباد
نجیب احمد نجیب