Yoo'n to rahne ko ghar me'n rahta hoo'n
Dil se lekin safar me'n rahta hoo'n

Nazar aata hoo'n jo khud se ojhal
Jaane kis ki nazar me'n rahta hoo'n

Zulf -o-rokhsar yaar jaante hai'n
Ke mai'n sham-o-sahar me'n rahta hoo'n

Mai'n hi mia'n hoo'n jidhar nazar dalo
Apne gham ke nagar me'n rahta hoo'n

Ae "Noqoosh" ab to yeh lage hai mujhe
Zindagi ke khandar me'n rahta hoo'n

Post. Box No. 17830,Head Post Office,
Gulshan-e-Iqbal, Karachi-75300 (Pakistan)