Dil aik ajnabi sy hamara bohat laga,
hans kr mila to aankh ko pyara bohat laga...

suraj misal logoN ki basti sy loT kr,
mujh ko falak pe aakhri tara bohat laga...

kab umr bhar ka sath likha tha naseeb meiN,
milna bhi us ka ham ko dobara bohat laga...

ham karobaar-e-ishq meiN laaey thy aik dil,
laikin asaasa is meiN tumhara bohat laga...

hasil thi zindgi ko kahaN fursat-e-nazar,
pal bhar teri hansi ka nazara bohat laga...

tha itna maskh chehra-e-duniya, keh phir hameN,
jhuTy khuloos hi ka sahara bohat laga...