* Shakhsana ye kisi khawb ki tabeer ka hay *
Shakhsana ye kisi khawb ki tabeer ka hay
shor jo dil ki gali meiN kahiN zanjeer ka hay
us ko qudrat sy talab krna baRi baat nahiN,
mas'alaa TuTy huay ik khat-e-taqdeer ka hay
titliyaN meri byaazoN k waraq chomti haiN,
tum sy wabasta koi harf to thereer ka hay
waqt ki gard meiN dab jaye ga rafta rafta
youN to roghan abhi taza teri tasweer ka hay
wo mahabbat meiN nahiN rakhta koi apni misaal,
sara jhagRa to meri zaat ki tauqeer ka hay
zindgi tujh sy taaluq hi mujhy hay kitna?
ye to galioN sy guzarna kisi reh'geer ka hay
Thehr chehry sy utarny de zara gard-e-malaal
hosla ji ko naye shehr ki tameer ka hay...
|