|
* Dayar-e-dil ki raat mai'n chiragh sa jala gaya, *
Dayar-e-dil ki raat mai'n chiragh sa jala gaya,
mila nahi to kya hua wo shaql to dikha gaya,
judaio'n ke zakhm dard-e-zindagi ne bhar diye,
tujhe bhi nind aa gai mujhe bhi sabr aa gaya,
ye subah ki safediya'n ye dopahar ki zardiya'n,
ab aine mei'n dekhta hu'n mai'n kaha'n chala gaya,
pukarti hai'n fursate'n kaha'n gai wo sohbate'n,
zami'n nigal gai unhe'n ya aasma'n kha gaya,
wo dosti to khair ab nasib-e-dushmanan hui,
wo chhoti chhoti ranjisho'n ka lutf bhi chala gaya,
ye kis khushi ki ret par ghamo'n ko nind aa gai,
wo lahar kis taraf gai ye mai'n kaha'n sama gaya,
gaye dino'n ki lash par pare rahoge kab talak,
utho amalkasho utho ke aaftab sar pe aa gaya.
|
|