Dil dharhakne ka sabab yad aaya,
wo teri yad thi ab yaad aaya,

aaj mushkil tha sambhalna ai dost,
tu musibat mai'n ajab yaad aaya,

din guzra tha bari mushkil se,
phir tera wada-e-shab yaad aaya,

tera bhula hua paiman-e-wafa,
mar rahenge agar ab yaad aaya,

phir kai log nazar se guzre,
phir koi shahar-e-tarab yaad aaya,

hal-e-dil ham bhi sunate lekin,
jab wo rukhsat hue tab yaad aaya,

baith kar saya-e-gul mai'n 'Nasir'
ham bahut roye wo jab yaad aaya.