Mumkin nahi mata-e-sukhan mujh se chhiin le,
go baghbaa'n ye kanj-e-chaman mujh se chhiin le,

gar ehtaram-e-rasm-e-wafa hai to ai Khuda,
ye ehtaram-e-rasm-e-kohan mujh se chhiin le,

manzar dil-o-nigah ke jab ho gaye udaas,
ye be-faza ilaqa-o-tan mujh se chhiin le,

gulrez meri nala kashi se hai shakh shakh,
gulchi'n ka bas chale to ye fan mujh se chhiin le,

sinchi hai'n dil ke khu''n se main ne ye kyariya'n,
kis ki majal mera chaman mujh se chhiin le.