* Niyyat-e-shauq bhar na jaaye kahiN *
Niyyat-e-shauq bhar na jaaye kahiN
Tu bhi dil se utar na jaaye kahiN
Aaj dekha hai tujh ko der k baad
Aaj ka din guzar na jaaye kahiN
Na milaa kar udaas logon se
Husn tera bikhar na jaaye kahiN
Aarzoo hai k tuu yahaan aaye
Aur phir umar bhar na jaaye kahiN
Jee jalaata huN aur ye sochta huN
Raayegaan ye hunar na jaaye kahiN
Aao kuch der ro hi len ‘Nasir’
Phir ye dariya utar na jaaye kahiN
*** |