Kis qadar mohabbat sey
Kis qadar riyazat sey
MaiN ney apney bachoN ko
Pore pore seencha hai
Kitni aarzoo,oN sey
Nannhi ungliyaN thamey
un ko chalna sikhlaya
Shaoq sey tamanna sey
Baal o per diye unn ko
Inn khuli fizaooN maiN
Unn ko uRna sikhlaya
Iss zameen sey laiker
Door aasmanoN takk
Unn ko dastaras di hai
Aaj ghar ki chokhaT per
Ikk diya jalaey hooey
Janey muntazir hooN kyooN
Unn key laoT aaney ki !!!!
*************