* Yaad janaa'n se ham jo kat kar soye *
Yaad janaa'n se ham jo kat kar soye
Kitne khano'n me'n na jaane bat kar soye
Ta sahar mujh ko jaagna thahara
Jis ko sona hai mujh se hat kar soye
Baarishe aqal keya uthaye use
Jo ghubare jonoo'n se at kar soye
Phir na dekhe'n ham us ka munh har giz
Woh jo ik baar mu'nh palat kar soye
Khushbooye'n phailti hi rahti hai'n
Phool jitna simat simat kar soye
Us ko khawbeedah janiye na "Nayeem"
Koyee aatish fesha'n jo phat kar soye
P.O. Box No. 8755, Jeddha-21492 (Saudi Arbia)
|