* یہ تعلق بھی عجیب لگتا ہے *
یہ تعلق بھی عجیب لگتا ہے
کوئی آج دل کے قریب لگتا ہے
دے گیا ہے وہ تحفہ پھولوں کا
مجھ کو تو یہ صلیب لگتا ہے
واسطہ جس سے کچھ نہیں دل کا
وہ ہمارا نصیب لگتا ہے
جس کی باتوں میں ہے دوا کا اثر
وہی اپنا حبیب لگتا ہے
مسکراہٹ ہے جس کے ہونٹوں پر
وہ بڑا خوش نصیب لگتا ہے
زخم بھرتا ہے باتوں باتوں میں
کون سا وہ طبیب لگتا ہے
ساتھ کتنے دنوں کا ہے مت پوچھ
سوچنا بھی عجیب لگتا ہے
ہر بشر اے نگارؔ میرے سوا
آج تیرے قریب لگتا ہے
**************** |