حمد

پتھر کی چٹانوں میں ، پنچھی کی اڑانوں میں
میں نے اُسے پایا ہے ، مسجد کی اذانوں میں

دریا کی روانی میں ، پھولوں کی کہانی میں
میں نے اُسے دیکھا ہے ، فصلوں کی جوانی میں

شعلوں میں شراروں میں ، باغوں میں بہاروں میں
میں نے اُسے سمجھا ہے ، قرآن کے پاروں میں

راتوں کے اندھیروں میں ، پُرکیف سویروں میں
محسوس کیا اُس کو ، اِس دل کے بسیروں میں

مالک ہے زمانوں کا ، رازق ہے جہانوں کا
سب علم وہ رکھتا ہے ، پوشیدہ خزانوں کا

نکہت سلطانہ

D-2, Salim Sentre, Sector-11-I,
North Karachi (Pakistan)
Mob: 03072589046
Email: ejaz.nazish@gmail.com
بشکریہ ’’غزالانِ حرم‘‘ مرتب: مشتاق دربھنگوی
……………………………………