نشور واحدی

غزل

رخ بدلتے راہ چلتے گلعذاروں کونہ چھیڑ
اے چمن ناآشنا رنگیں بہاروں کو نہ چھیڑ
پر دۂ گل میں بھی تجھ کو مسکرانا ہے مگر
ہر چمن میں مسکرا کر غم کے ماروں کو نہ چھیڑ
شام غم ہے ماہ وانجم کی طرف مڑکر نہ دیکھ
رات کی شہنائیوں میں چاند تاروں کو نہ چھیڑ
ہم نہ برگ گل ، نہ شبنم نے خس وخار چمن
اے نسیم صبح جاہم خاکساروں کو نہ چھیڑ
بے وفائی شیوہ ہے تو پیرلے سب سے نگاہ
دل لگا کر، دل جلا کر، دل فگاروں کو نہ چھیڑ
دولت دنیا کو ٹھکرا کر ملا کیا یہ نہ پوچھ
ہم نشیں بدقسمتی کے تاجداروں کو نہ چھیڑ 
سن کے اشعار نشور اے دوست تنقیدیں نہ کر
گرتے دریا ہیں یہ ظالم آبشاروں کو نہ چھیڑ
+++