* Aik pal mie'n tootne ko hai samundar ka sakoot *
Aik pal mie'n tootne ko hai samundar ka sakoot
yeh ishaara kar raha hai ret ke ghar ka sakoot
ham bahut pachtaaye aawazo'n se rishta jorh kar
shor ik lamhe kaa thaa aur zindagii bhar ka sakoot
ho sake to kijiye ab zalzale ka ehtamam
warna dastak se nahii tootega is ghar kaa sakoot
koii to aawaz ubher dil ke veeraane se ab
chaat'Ta jaata hai mujhko mere ander ka sakoot
aik lamhe mei'n shafaq ke rang ko, kujla gayee
us ke pal bhar kii udaasi, uska pal bhar ka sakoot
|