جنگل کو رو چکے چلو دریا کا غم کریں 
لگ جائیں پھر سے کام پہ دامن کو نم کریں 

یہ شرط ہی غلط ہے فقط اک چراغ کی 
کس کو بجھائیں اور کسے محترم کریں 

دل میں لگا رہا ہوں نئے درد کی سبیل 
توفیق دی گئی ہے جنھیں آنکھ نم کریں 

سب کچھ دکھائی دینا بھی تشویشناک ہے 
آنکھیں زیادہ ہو گئیں بینائی کم کریں 

مکتب میں عاشقوں کو لیے اے ہیں تو اب 
تختی پہ لکھ دیا ہے جو دل پر رقم کریں 

سارے غزال لفظ غزل دشت میں اداس 
تیرا اشارہ ہو تو یہ آہو بھی رم کریں 

Jungle ko ro chuke chalo darya ka gham karein
Lag jaen phir se kaam pe daaman ko nam karein
Ye shart hi ghalat hai faqat ik chiraagh ki
Kisko bujhaen aur kise mohtaram karein
Dil mein laga raha hoon naye dard ki sabeel
Taufeeq di gayi hai jinhen aankh nam karein
Sab kuchh dikhai dena bhi tashweeshnak hai
Aankhen ziyada ho gaeen beenai kam karein
Maktab men aashiqon ko liye aaye hain to ab
Takhti pe likh diya hai jo dil par raqam karein
Sare ghazaal lafz ghazal dasht mein udas
Tera ishara ho to ye aahu bhi ram karein

*******************