Baithe huye dete hai'n wo daman se hawaye'n allah kare ham na kabhi hosh may aye'n, 
Bekhud yu'n hi rakhengi hamay shokh adaye'n jab samane ho'n aap to kya hosh may aye'n, 
PalTa rahe dono'n ka mohabbat may barabar utni hi wafaye'n bhi ho'n jitni ho'n jafaye'n, 
Ho lutf e inayat ki ik had bhi muqarrar rone lage koi na yaha'n tak wo hansaye'n, 
Aur is ke siwa "Nooh" ko ata nahi kuch bhi yaro'n may wo baithe huye tufan uthaye'n.