* Dil ke seharaa men koii aas kaa juganuu bhii nahiin *
Dil ke seharaa men koii aas kaa juganuu bhii nahiin
itanaa royaa huun ki ab aankh men aansoo bhii nahiin
qaasaa-e-dard liye phiratii hai gulashan kii havaa
mere daaman men tere pyaar kii Khushbuu bhii nahiin
chhin gayaa merii nigaahon se bhii ehasaas-e-jamaal
terii tasviir men pahalaa saa vo jaduu bhii nahiin
mauj dar mauj tere Gham kii shafaq khilatii hai
mujhe is sil-silaa-e-rang pe qaabuu bhii nahiin
dil vo kam-bakht ki dhaDhake hii chalaa jaataa hai
ye alag baat ki tuu ziinat-e-pahaluu bhii nahiin
ye ajab rahaguzar hai ki chattaanen to bahut
aur sahaare ko terii yaad ke baajuu bhii nahiin
|