* رسمِ وفا نبھانا تو غیرت کی بات ہے *
غزل
رسمِ وفا نبھانا تو غیرت کی بات ہے
وہ مجھ کو بھول جائے یہ حیرت کی بات ہے
سب مجھ کو چاہتے ہیں یہ شہرت کی بات ہے
میں اُس کو چاہتی ہوں یہ قسمت کی بات ہے
اظہارِ عشق کر ہی دیا مجھ سے آپ نے
یہ بھی جناب آپ کی ہمت کی بات ہے
تعریف کر رہے ہیں سبھی آج کل مری
اس میں کوئی ضرور سیاست کی بات ہے
وہ جس کو چاہے اپنے کرم سے نواز دے
یہ تو خدا کی بندے سے نسبت کی بات ہے
سودا کسی سے میں نے انا کا نہیں کیا
نزہتؔ یہ میرے واسطے عزت کی بات ہے
ڈاکٹر) نزہتؔ انجم)
Principal M. N. M. Girls Inter College,
New Hydrabad, Lucknow (U.P)
Mob: 9415314601 / 9335661980
بشکریہ جانِ غزل مرتب مشتاق دربھنگوی
………………………
|