Agli muhabbatoon key fasaney kahan talk
Guzrey hoye guzaroon zamaney kahan talk

Aye ho tum to abb naye khuwab-o-khayal do
Likhoon wahi ain lafz puraney kahan talk

Merey lahoo main jinka koi zayqa nahi
Dekhoon wahi main khuwab suhaney kahan talk

Her rooz aik ishq nayea chahata hey dil
Boloon main jhoot sach k bahaney kahan talk

Aoo innmain phir koi chehra utaar lein
Tersain gein abb yeh aaina khaney kahaney talk

Aisi zameen jis ka koi aasmaan nahi
Aisi zameen ka gaoon taraney kahan talk