Niklana Chahte Hai'n Sab hado'n se ham Aage
Kisi ke dar hi se barhte nahi'n qadam aage

Maqam apna hi ek pesh-o-pas ka hota hai
Kisi se ham rahe pichhe kisi se ham aage

Hame'n to itna hi bas zom hai khuda rakkhe
Hamesha waqt se chalte rahe hai'n ham aage

Bahut se lafz hi tahreer me'n nahi'n aaye
Hamari fikr se chalta raha qalam aage

Wahi yaqee'n ki taraf ham ko le ke jaata hai
Yaqee'n se rahta hai ik do qadam bharam aage

Yeh zindagi hai ke maidan-e-jang hai "Rahat"
Sipah dard hai peechhe sipah gham aage

			4, Melody Street, Toongabbie,
			Sydney NSW 2146, (Australia)