Yeh jo jugnoo hai'n yaa sitarei'n hai'n
ham me raushan hai'n yeh hamare hai'n

kya khazaan kya bahaar ka jhagra
jitni mausam hai'n ham ko payare hai'n

kis ke khake mei'n ham bharei'n in ko
rang phoolon se jo utaare hain

apne ander ki raakh mei'n ab bhi
jalte bujhte si kuchh sharare hai'n

beej bote hai'n jo hawao'n mei'n
kitne masoom woh bichare hai'n

Khawb farda se kya hamei'n 'Fikri'
aise khawbo'n se ab kinare hai'n