Baste hai'n mazameeN jo edraak ki aankho'n me'n.
LafzoN ko taraste hai'n aksar wo khayaloN me'n.

pamal bhi karte hai'n zehnoN ke taqaddus ko.
Wo khwaab jo palte hai'n sheeshe ke makanoN me'n.

Khwahish ke biyaabaN me'n kal tak jo bhatakta tha.
Dhoonde hai sukooN ab wo tasbeeh ke danoN me'n.

Bedard zamane ne kuch apni bhi fitrat ne.
Bahne na diya mujh ko jazbaat ki maujoN me'n.

Bahla to liya hamne bachoN ko magar "ARIZ"
Ek karb tha poshida masoom sawaloN me,n.