Yad kya dast-e-hunar hai ki sanwarata gaya main
Us ko socha to use yad hee karata gaya main
Is ko tahazib-e-junun kaheeyai ki mujh se pahale
Jaise bikhare hain sabhee log bikharata gaya main
Naqsh kitane the ki madum hue silsilawar
Aur har naqsh ke pahalu se ubharata gaya main
Ek taswir banai thee mukammal na hui
Ek hee rang lahu rang tha bharata gaya main
Harf-e-ikrar hee kahata raha beKhaufi se
Yani inkar ke ashob se Darata gaya main
Apane andar ke talatum ne rakkha hai abad
Khud hee ikrar kiya Khud hee mukarata