Dard jab dil se n jaye , to ghazal hoti hai
zindagi raas n aaye , to ghazal hoti hai

jo dard , dard ki surat hi thha mila ab tak
ghazal me aaya hai jab se , nikhar gaya wo bhi

dard se dil laga ke dekha hai
dard, itna bura nahi hota

dard palko`n se gir n jaye kahi`n
be-wajah muskurana 6orh bhi do

dard jo thha rooh-e-`kausar`, ban gaya rooh-e-ghazal
lazmi har sher me uska byaa`n hona hi thha

dard ko dard kis tarah keh dein
iska ta-umr asra hi mila

dard jaye n thham kahi`n `kausar`
zakhm dil ka kahi`n n bhar jaye

Poonam `kausar`