Tum na maano magar haqiiqat hai ,
ishq insaan kii zaruurat hai, 

kuchh to dil mubatalaa-e-vahashat hai 
kuchh terii yaad bhii qayaamat hai 

mere mahabuub mujh se jhuuTh na bol 
jhuuTh suurat-e-gar sadaaqat hai 

jii rahaa huu.N is aitamaad ke saath 
zindagii ko merii zaruurat hai 

husn hii husn jalve hii jalve, 
sirf ehasaas kii zaruurat hai, 

us ke vaade pe naaz the kyaa kyaa 
ab dar-o-baam se nadaamat hai 

us kii mahafil me.n baiTh kar dekho 
zindagii kitanii Khubsuurat hai 

raastaa kaT hii jaayegaa 'Qabil',
shauq-e-manzil agar salaamat hai .