Ye husn e raz muhabbat chupa raha hai koi 
Hai ashk ankhon men aur muskura rha hai koi 

Nazar nazar men tajalli dikha raha hai koi 
Nafaz nafaz pe mujhe yad a raha hai koi

Takhayulat ke dhoke hain sab shab e vada 
Na a raha hai koi aur na ja raha hai koi

Ye husn o ishq ki tasvir ke hain do manzar 
Ki ro raha hai koi muskura raha hai koi

"qadeer" hashr men pahunche to ham ne kya dekha 
Kisi ke hath se daman chura raha hai koi