Diivaaro.n se mil kar ronaa achchhaa lagataa hai,
ham bhii paagal ho jaaye.nge aisaa lagataa hai, 

duniyaa bhar kii yaade.n ham se mil ne aatii hai.n,
shaam Dhale is suune ghar me.n melaa lagataa hai ,

kitane dino.n ke pyaase ho.nge yaaro socho to,
shabanam kaa qataraa bhii jin ko dariyaa lagataa hai 

kis ko "Qaiser" patthar maruu.N kaun paraayaa hai, 
shiish mahal me.n ik ik cheharaa apanaa lagataa hai.