be-shaghl na zindagi basar kar

gar ashk nahi.n to aah sar kar

de tul-e-amal na waqt-e-piri

hui subh fasana mukhtasar kar

kuchh turfa maraz hai zindagi bhi

is se jo koi chhuTa so mar kar

kaba ke safar mei.n kya hai zahid

ban jae to aap se safar kar

kya dekhe hai aaine ko pyare

idhar bhi to ek dam nazar kar

wo bais-e-zist shayad aa jae

ai jaan tu jaiyo Thahar kar

fursat hai ghanimat aaj ghafil

jo ho sake nafa ya zarar kar

ye dahr hai kargah-e-mina

jo pa.nw rakkhe tu yan so Dar kar

tamir pe ghar ki mar na ai dil

'qayem' ki tarah dilo.n mei.n ghar kar

********************