dard-e-dil kuchh kaha nahi.n jata

aah chup bhi raha nahi.n jata

ru-ba-ru mere ghair se tu mile

ye sitam to saha nahi.n jata

shiddat-e-girya se mai.n khuu.n mei.n kab

sar se pa tak naha nahi.n jata

har dam aane se mai.n bhi hu.n nadim

kya karu.n par raha nahi.n jata

mana-e-girya kis ki khuu,n hai ki aaj

aansuo.n se baha nahi.n jata

garche 'qayem' asir-e-dam hu.n lek

mujh se ye chahchaha nahi.n jata

۸۸۸۸۸۸۸۸۸۸۸۸۸۸۸۸۸