din hi miliyega ya shab aa.iyega

banda-khaana me.n phir kab aa.iyega

lag chali hi si hai abhi to khayal

Dhab chadhega to kuchh Dhaba.iyega

ek bose pe diin o dil to liya

aur kitna mujhe daba.iyega

ja chuke ham jab aap se pyare

kyuu.n na is raah se ab aa.iyega

ham bhi mulla se kuchh kare.nge shurua

aap kis vaqt maktab a.iyega

kar le karni jo hai kharid-o-farokht

pher is pai.nTh me.n kab a.iyega

ab to 'qayem' hai kuuch hi ki salaah

yuu.n ghar apna hai phir jab a.iyega

۸۸۸۸۸۸۸۸۸۸۸۸۸۸۸۸