Jism sehra hochuke hain zehan banjar hogaye 
hum kahan zinda hain dekho hum to patther hogaye

aankhen qehat e aab se weeran hoti jati hain
yani mausam hi dukhon k ab muqadder hogaye 

shehar main ik behisi ki rou chali hai in dinon
Aashnaa na Aashna sab hi baraber hogaye

baad ik muddat k jab dekha use to khud bakhud
zehan main roshan gaye lamhon k manzer hogaye

aise doobey hain k ab apna nishaan milta nahin
Aagahi k zakhm bhi gehrey samander hogaye