* chand k sath kai dard purane nikle *
chand k sath kai dard purane nikle
kitne gham they jo tere gham ke bahane nikle
fasl e gul ayi phir ik bar asiraan e wafa
apne hi khoon k dariya main nahane nikle
hijr ki chot ajab sang shikan hoti hai
dil ki befaiz zaminon se khazane nikle
umr guzri hai shab e taar main ankhain malte
kis ufaq se mera khursheed na jane nikle
ku e qatil main chale jaise shaheedon ka juloos
Khowab yun bheegti ankhon ko sajane nikle
dil ne ik eent se tameer kiya taj mahal
tu ne ik bat kahi lakh fasane nikle
dasht e tanhai e hijraan main khara sochta hun
haye kya log mera sath nibhane nikle
main ne Amjad usey bevaasta dekha hi nahi
wo to Khushbu main bhi aahat ke bahane nikle..X..
***************** |