کٹی پتنگ ھُوں ، حیرت سے کٹ کے آتا ھُوں
مُجھے سنبھال زمیں۔۔مَیں پلٹ کے آتا ھُوں
 
سگانِ تیرگی مذھب کے بَل پہ بھونکتے ھیں
چراغِ فکر تُو جَل۔۔۔مَیں ڈپٹ کے آتا ھُوں
 
یہ کائنات کوئی ایسی بیکراں بھی نہیں
مَیں  آ تو جاتا ھُوں اِس میں ، سمٹ کے آتا ھُوں
 
یہ انکسار وغیرہ تو جھوٹ مُوٹ کا ھے
جو راہِ عشق سے آوّں تو ڈَٹ کے آتا ھُوں
 
خدا کا شُکر مَیں مائل گُریز قُوت ھُوں
ھٹے ھُووّں سے ذرا اور ھٹ کے آتا ھُوں
 
جگہ نہیں کسی حُجرے میں اس لئَے صآحب
مَیں لامکان کی کھڑکی سے لٹکے آتا ھُوں
 
قسم ھے قیس کی یہ بُزدلی ھے عشق نہیں
اگر مَیں حُسن پہ تیزاب اُلٹ کے آتا ھُوں
 
یہ جو کراہ سی آتی ھے میری آہ کے ساتھ
عجیب کیا ھے، مَیں اندر سے کٹ کے آتا ھُوں
******