ایسے نقاد جو معیار پہ غُرؔاتے ھیں
آج کل بس مرے اشعار پہ غُرؔاتے ھیں
 
بڑے آرام سے مَیں اپنی پنہ گاہ میں ھُوں
خوف کے بھیڑئیے دیوار پہ غُرؔاتے ھیں
 
آپ نے طیش کو آزاد کِیا ھے شاید
اس لئے اب مرے اصرار پہ غُرؔاتے ھیں
 
وُہ جنہیں اوج میسؔر نہیں بیداری کا
نیند میں دیدہءِ بیدار پہ غُرؔاتے ھیں
 
غلطی میری سہی پھر بھی بتاو تو میاں
یار کیا ایسے کبھی یار پہ غُرؔاتے ھیں
 
جنہیں اُڑنے کو کبھی پنکھ میسر نہ ھُوئے
وُہ پرندوں کی ھراک ڈار پہ غُرؔاتے ھیں
 
مَیں بھی ضدی ھُوں طبیعت کا، خریدوں گا وُھی
جانور جو بھی خریدار پہ غُرؔاتے ھیں
 
آٔؤ پھیلائیں بغاوت کے جراثیم رضآ
ایسا کرتے ھیں کہ سردار پہ غُرؔاتے ھیں
********