* شُعلہ بدن ھو ،شُعلہ قبا تو نہیں ھو *
شُعلہ بدن ھو ،شُعلہ قبا تو نہیں ھو جی
قِبلہ ھو آپ۔۔۔۔۔ قِبلہ نُما تو نہیں ھو جی
مَیں اور بُھول جاوں تُمھیں کیسے کہہ دیا
مانا خدا نُما ھو۔۔۔۔۔ خُدا تو نہیں ھو جی
مَیں عشقِ بے پناہ ھُوں تُم حُسنِ بے پناہ
اس کشمکش میں مُجھ سے جُدا تو نہیں ھو جی
چُپ ھوگیا ھُوں تُم سے بچھڑ کے میِں کس لئے
تُم میرے جسم و جاں کی صدا تو نہیں ھو جی
باھر کا یہ لپٹنا ھے اندر کی تشنگی
چُھو کر یہ دیکھ لُوں،۔۔ کہ خلا تو نہیں ھو جی
پَر یُونہی پھڑ پھڑائے چلے جا رھے ھو تُم
قیدِ بدن سے کوئی ، رِھا تو نہیں ھو جی
****** |