مری نظر تو شش جہت میں محو تھی
سمجھ رھا تھا
 
شش جہت کے درمیان جُستجو
ھی زندگی کا نام ھے۔
 
مَیں زُلف کے قصیدے لکھنے والے
شاعروں میں سے نہیں
مُجھے تو لامکان و نارسا تلک
رسائی چاھئیے
مُجھے خلائے بے کنار کی تلاش تھی
تلاش ھے!۔۔
مگر یہ کیا ُھوا
کہ تُم مہکتی آ گءی ھو راستے میں
اور اب
مری نظر بسیط ھو گئی
تمام لامکان اور مکاں
تُمھاری زُلفِ نازنین پر نثار ھو گئے
غُبار ھو گئے
تمام لوگ
اب کوئی نہیں۔مرے قریب
ایک تُم ھو اور
رُواں رُواں من آتشم تن آتشم
کا وِرد کر رھا ھے
 
کیا ھُوا
زمین و آسماں کے سارے رنگ کیوں
 
تُمھارے ایک لمس میں سما گئے؟
سیاہ پُھول کیوں کِھلا دیا
 
تمام لمس و رنگ و بُو سمیٹ کر
کہاں چلی؟۔۔
سُنو من آتشم ، تن آتشم کی یہ پُکار بھی سُنو
اُسے بھی تو
سمیٹ لو
حصار میں
تُم اپنے
پیار میں!!۔۔۔۔۔۔۔
******