بس ترے جسم کی خوشبو سے گُزرنا ھے مُجھے
تھام لے ھاتھ کہ اُس پار اُترنا ھے مُجھے
 
 
میرے سینے میں جو روشن ھے  ترے پاس بھی ھو
یہ چراغ اب تری دھلیز پہ دھرنا ھے مُجھے
 
 
 تری آنکھون میں ھی ڈُوبا ھُوں کہیں اور نہیں
انہیں جھیلوں سے کسی روز اُبھرنا ھے مُجھے
 
 
وصل کی بات کئے جا، مرے جینے کے لئے
ھجر کی بات نہ کر، کیا کوئی مَرنا ھے مُجھے
 
 
ورنہ اُجڑے ھُوئے لوگوں میں  تو ھوتا ھُوں شُمار
تُو سُدھارے تو کسی روز سُدھرنا ھے مُجھے
 
 
 ایسا بیکار بھی کیا ھُوں کہ محبت نہ کروں
اور کرنے کا کوئی کام تو کرنا ھے مُجھے
 
 
بھیگ جاتی ھے سماعت تیری سرگوشی سے
تری آواز تو بہتا ھُوآ جھرنا ھے مُجھے
 
 
آئینہ زنگ سے چمکے ھے تو مَیں سوچتا ھُوں
رنگ ، مٹی کا ترے نُور میں بھرنا ھے مُجھے
 
 
وقت کو جانے کی جلدی ھے مگر کیا کیجے
اب ترے پاس بہت  دیر ٹھہرنا ھے مُجھے
 
 
میں تو ھنستا ھُوا جنگل سے گُزر آیا ھُوں
ترا مطلب ھے کہ اس بات سے ڈرنا ھے مُجھے۔۔!؟۔۔
 
******