نہ سُنے یار تو کیا یار سے باتیں کیجے
اس سے اچھا ھے کہ دیوار سے باتیں کیجے
 
 
نہ دُعا کوئی ، نہ آداب نہ رسمی ھی سلام
جائیے ایسے اب اغیار سے باتیں کیجے
 
 
چُپ زمانے نے جو سادھی  تو کوئی بات نہیں
آُپ تو اپنے طرف دار سے باتیں کیجے
 
 
ایسے چُپ چاپ کہاں جان نکلتی ھے حضور
جو مسیحا ھیں تو بیمار سے باتیں کیجے
 
 
کرے دیوارِ خلا میں کوئی روزن مری بات
 اور پھر آُپ بھی  اُس پار سے باتیں کیجے
 
 
وقت چُپ چاپ گُزرتا چلا جاتا ھے مگر
بول پڑتا ھے جو رفتار سے باتیں کیجے
 
 
یہ جہاں بانی نہیں ھے یہ زمیں داری  ھے
 دیر تک کِشتِ نمودار سے باتیں کیجے
 
 
واعظا جا نہیں کرنی  ھمیں  باتیں تُجھ سے
حُکمِ حاکم ھے، سمجھ دار سے باتیں کیجے
 
 
یہ تعلیً نہیں مصرعے  بھی مرے بولتے ھیں
آزمانا ھے تو اشعار سے باتیں کیجے
*******