|
* Log har morh pe ruk ruk ke sambhalte kyu'n hai'n , *
Log har morh pe ruk ruk ke sambhalte kyu'n hai'n ,
Itna darte hai'n to phir ghar se nikalte kyu'n hai'n,
Mai'n na jugnu hu'n diya hu'n na koi tara hu'n,
Raushni wale mere nam se jalte kyu'n hai'n,
Nind se mera ta`alluq hi nahi baraso'n se,
Khwab a a ke meri chat pe tahalte kyu'n hai'n,
Morh hota hai jawani ka sambhalne ke liye,
Aur sab log yahi'n aake phisalte kyu'n hai'n.
|
|