Peshaniyo'n pe likhe muqaddar nahi mile,
Dastar kaha'n milege jaha'n sar nahi mile,

Awaargi ko dubte suraj se rabt hai,
Maghrib ke bad ham bhi to ghar par nahi mile,

Kal aino'n ka jashn hua tha tamam raat,
Andhe tamashbino'n ko patthar nahi mile,

Mai'n chahta tha khud se mulaqat ho magar,
Aine mere qad ke barabar nahi mile,

Pardes ja rahe ho to sab dekhte chalo,
Mumkin hai wapas ao to ye ghar nahi mile.