* Pyar ka asmaan dekha hai *
Pyar ka asmaan dekha hai
zulf ka saibaan dekha hai.
jis mei khushiyoN ke phool khilte hain,
ham ne aisa makaan dekha hai.
sach ko dekha hai phoolte phalte,
jhoot ko benishaan dekha hai.
jis mei aman o sukun phaila hai
khawb mei wo jahaan dekha hai.
yaad aaye hain doobne wale,
jab kabhi badbaan dekha hai.
EK MUKHLIS K HATH MEI RAKHSHAN
HAM NE TEER O KAMAAN DEKHA HAI.....
****** |