Gulabo'n ko masal kar kya mila haa'n? 

Tumhen dil sey nikal kar kya mila haa'n? 

Muhabbat ka sitara kyun ga'nwaya 

batao hath mal kar kya mila haa'n? 

Na jane kyun jaley wo sath merey 

koi kahdey pighal kar kya mila haa'n? 

Udasi ka makan ashkon ka bistar 

fazao'n ghar badal kar kya mila haa'n? 

Tumhara hath thama hi bhala kyun 

zara sa sath chal kar kya mila haa'n? 

Bahut afsos mujhko ho raha hai 

bigad jatey sambhal kar kya mila haa'n? 

jahan shama thi parwana tha rakhshan 

naye saa'nchey me dhal kar kya mila haa'n? 
**********