Muhabbat ab baghawat chahti hai 

zamaney sey ijazat chahti hai 

usi k paas ham phir laut jayen 

na janey kyun ye qismat chahti hai 

kahan hoga basera ab hamara 
hme'n jab uski nafrat chahti hai 

fasana bhool jaye ahle duniya 

kahani ab haqiqat chahti hai 

wo ab tabee'r bnkar laut aye 

mre khawbo'n ki shiddat chahti hai 

bhulana bhi zaruri hogya tha 

mgar milney ko tabiyat chahti hai 

usey deney ko mere paas hai kya? 

Wo pagal dil ki daulat chahti hai 

basanti mausamo'n ka khel hai ye 

zami'n dil ki bhi jannat chahti hai 

samaji baat karte karte Rakhshan 

tumhen bhi ab siyasat chahti hai 
******